Accessibility links

ڕابوون مه‌عروف: که‌ شارێک له‌ هه‌رێم خۆپیشاندانی لێناکرێت مانای ئه‌وه‌ نییه‌ داخوازیی و داواکارییان نییه‌


ڕابوون مه‌عروف
ڕابوون مه‌عروف

دانیشتوانی شاری ده‌ربه‌ندیخان ئه‌مڕۆ 5 شه‌ممه‌ خۆپیشاندانیان کردووه‌ وه‌ک ناڕه‌زایی ده‌ربڕین به‌رامبه‌ر که‌می یان نه‌بوونی خزمه‌تگوزاریه‌کان له‌ شاره‌که‌یاندا.

پێشتریش له‌ شاری ڕانیه‌، دانیشتوان خۆپیشاندانیان کردووه‌ و توندوتیژی لێکه‌وتۆته‌وه‌.

ڕابوون مه‌عروف ئه‌ندامی په‌رله‌مانی هه‌رێمی کوردستانی عێراق، له‌ فراکسیۆنی بزووتنه‌وه‌ی گۆڕان ده‌ڵێت یاسا کارپێکراوه‌کان له‌ هه‌رێمی کوردستاندا دوو بابه‌تیان ڕێکخستووه‌ له‌ په‌یوه‌ندی به‌ ده‌وڵه‌ت و خه‌ڵکه‌وه‌ سه‌باره‌ت به‌ خۆپیشاندانه‌کان که‌ یه‌کێکیان مافی خۆپیشاندانه‌ و ئه‌وی تریشیان پاراستنی خۆپیشانده‌رانه‌ له‌لایه‌ن هێزه‌ ئاسایشیه‌کانه‌وه‌ و ده‌شڵێت هێزه‌ ئاسایشیه‌کان مافی په‌لاماردان و ئازاردانی خۆپیشانده‌رانیان نییه‌ و ڕه‌وشی ئاسایشی هه‌رێمیش نابێت ببێته‌ بیانویه‌ک بۆ لێسه‌ندنه‌وه‌ی مافی خۆپیشاندان له‌ هه‌رێمدا.

به‌ڕێز مه‌عروف ئاماژه‌ش به‌وه‌ ده‌کات حکومه‌تی هه‌رێمی کوردستان و ئه‌و ده‌سه‌ڵاته‌ی هه‌رێمی کوردستان به‌ڕێوه‌ ده‌بات شکستی خواردووه‌ له‌ دابین کردنی پێداویستیه‌ بنه‌ڕه‌تیه‌کانی هاووڵاتیان و ده‌شڵێت هه‌ر ئه‌مه‌شه‌ وه‌های کردووه‌ هاووڵاتیان هه‌ست به‌ نیگه‌رانی و ناڕه‌زایی بکه‌ن به‌رامبه‌ر حکومه‌ت و ده‌سه‌ڵاتی سیاسی وڵاته‌که‌مان و پێشده‌چێت ئه‌م ڕه‌وشه‌ ماوه‌یه‌کی تریش بخایه‌نێت به‌ڵام ده‌بێت حکومه‌تی هه‌رێم به‌ ڕژدی وه‌ڵامی داوا و داخوازیه‌کانی خه‌ڵکی کوردستان بداته‌وه‌.

به‌ڵێن ساڵح، وتووێژی له‌گه‌ڵ ڕابوون مه‌عروف کردووه‌.

زانیاری زیاتر له‌ ده‌قی وتووێژه‌که‌دایه‌:

please wait

No media source currently available

0:00 0:05:34 0:00

XS
SM
MD
LG